याद आयो दशैंको

याद आयो दशैंको , दही चिउरा मेजमानको,

खड़्कुडामा भिजेको अट्टे र कलमी धानको!

याद आयो दशैंको,घरको दियो र फूलको

टिका र जमराले सजिएको घरढोका मूलको।।

याद आयो दशैंको, घर मावल र मित्रको

रातोमाटो डम्फूडाँडाको,कमेरो छॉगेखोला भित्रको।

याद आयो दशैंको, राड़ीमा बसेको

ढिकी जाँतो मानो पाथी सबैले खटेको।।

याद आयो दशैंको, खुशीले भुंइ छोड़ेको

ठूलोघर् छेउ खनीउ रुखमा पिङ जोड़ेको।

याद आयो दशैंको, कुराँउनी पाकेको

मीठोमसिनु खाएको,नयॉनौलोले ढाकेको।।

याद आयो दशैंको, दिनै औंला गनेको

'दशैं आयो, दशैं आयो', गॉउसहरले भनेको।

याद आयो दशैंको, हाम्रो चाहाड़ कमालको

शुभकामना सबैलाई यो फणीन्द्र खनालको।।